Three-voice motet.
Sources: Machaut Manuscripts A B C E & G
Tant doucement m'ont attrait
Bel accueil et dous attrait
Nés de dous viaire,
Et samblans d'amours, qui trait
D'un regart riant, attrait
M'a par son plaisant attrait,
Que clamour fait faire
A ma dame debonnaire
M'ont dou mal qui est en mi.
Helas! si m'ont fait einsi
Pour ma mort attraire,
Com cil qui son anemi
Meinne noier com amy,
Les bras au col; et traÿ
M'ont par tel affaire.
Car regars, pour moy detraire,
En riant m'asseüroit
Et merci me promettoit,
Et samblans d'attraire
Ma grant paour estraingnoit
Et hardement me donnoit,
A bel accueil m'apelloit
Pour mes maus retraire.
Mais pour moy faire mort traire,
Quant à ce m'eurent mené,
Com faus traïtour prouvé
Furent mi contraire,
Et d'un refus sans pité,
Dur et plein de cruauté,
D'orguilleus cuer engendré,
Me firent deffaire,
Pour ce que j'aim sans meffaire.
Eins que ma dame d'onnour
Que je serf et pris
Sceüst la dure dolour
Dont je sui espris,
Souvent estoie enrichis,
Sans avoir s'amour,
De son regart qui conquis
M'a par sa vigour,
Et de la fine douçour,
De son plaisant ris.
Or me tolt ses biens gentils
Et me tient en plour,
Quant elle scet que j'aour
Son gracieus vis
Et que je l'aim sans faus tour.
Ruina.
ECM "New Series" 1823
Machaut: Motets
Hilliard Ensemble
Rec.: 2001
Hyperion 68318
Machaut: The Lion of Nobility
Orlando Consort
Rec.: 2019
Studio Matous MK 0027 - 2
931
Guillaume de Machaut - Chansons
Ars Cameralis - Lukas Matousek, dir.
Rec.: 1995
Zig-Zag Territoires ZZT 021002 [CDx2]
Machaut - Les Motets
Ensemble Musica Nova
Rec.: 2002
Please see the Machaut index page for an introduction, discussion of methodology, and notes on this project.
Pierre-F. Roberge Todd M. McComb