Three-voice motet.
Sources: Machaut Manuscripts A B C E & G
Maugré mon cuer, contre mon sentement,
Dire me font que j'ay aligement
De bonne Amour
Ceaus qui dient que j'ay fait faintement
Mes chans qui sont fait dolereusement
Et que des biens amoureus ay souvent
Le grant douçour.
Helas! dolens, et je n'os onques jour,
Puis que premiers vi ma dame d'onnour
Que j'aim en foy,
Qui ne fu nez et fenis en dolour,
Continuez en tristesse et en plour,
Pleins de refus pour croistre mon labour,
Et contre moy.
N'onques ma dame au riche meinteing coy
Mon dolent cuer, qui ne se part de soy,
Ne resjoï,
Ne n'ot pitié dou mal que je reçoy.
Et si scet bien qu'en li mon temps employ
Et que je l'aim, criem, serf et desir et croy
De cuer d'ami;
Et quant il n'est garison ne merci
Qui me vausist, se ne venoit de li
A qui m'ottry,
Et son franc cuer truis si dur anemi
Qu'il se delite es maus dont je langui,
Chascuns puet bien savoir que j'ay menti.
De ma dolour confortés doucement,
De mon labour meris tres hautement,
De grant tristour en toute joie mis,
De grief langour eschapés et garis,
De bon eür, de grace, de pitié.
Et de Fortune amis et à mon gré,
Com diseteus richement secourus
Et familleus largement repeüs
De tous les biens que dame et bonne Amours
Pueent donner à amant par honnour
Suis, et Amours m'est en tous cas aidans;
Mais, par m'ame, je mens parmi mes dens.
Quia amore langueo.
Ars Harmonica AH 112
Machaut - Trio Subtilior
Trio Subtilior
Rel.: 2002 (instr.)
Carus 83.123
Canticum Canticorum. Das Hohelied der Liebe in Motetten alter
Meister
Vokalensemble Cantos, Osnabrück - Johannes Rahe, dir.
Rec.: 1991
Hyperion 68206
Machaut: The Gentle Physician
Orlando Consort
Rec.: 2017
Zig-Zag Territoires ZZT 021002 [CDx2]
Machaut - Les Motets
Ensemble Musica Nova
Rec.: 2002
Please see the Machaut index page for an introduction, discussion of methodology, and notes on this project.
Pierre-F. Roberge Todd M. McComb