Three-voice motet.
Sources: Machaut Manuscripts A B C E & G
Amours qui a le pouoir
De moy faire recevoir
Joie ou mort obscure,
Ne fait par sa grace avoir
A ma dame tel voloir
Qu'elle m'ait en cure.
Durer ne puis longuement,
Car pour amer loiaument
Ne pour servir liement,
Sans penser laidure,
Ne pour celer sagement
N'ay confort n'aligement
De ma dolour dure;
Einsois com plus humblement
La sueffre et endure,
De tant est plus durement
Traitiés mes cuers, que briefment
Morray dolereusement
De dueil et d'ardure,
Et tant sui plus eslongiés
De merci et estraingiés
De ma dame pure.
Mais aveuc tous ces meschiés
Sueffre Amours qui est mes chiés,
Que Raison, Droiture,
Douçour, Debonnaireté,
Franchise, Grace et Pité
N'ont pouoir à Cruauté,
Einsois regne et dure
En corps d'umblece paré
Cuers qui est pleins de durté
Et de couverture,
Refus qui d'espoir osté
M'a la norriture,
Et Dangiers qui despité
M'a sans cause et si grevé
Qu'il m'a par desdaing mené
A desconfiture.
Faus Samblant m'a deceü
Et tenu en esperance
De joie merci avoir;
Et je l'ay com fols creü
Et mis toute ma fiance
En li d'amoureus vouloir.
Las! or m'a descongneü,
Quant de moy faire aligence
Ha heü temps et pooir;
N'en riens n'a recongneü
Ma dolour ne ma grevance,
Eins m'a mis en nonchaloir.
Vidi dominum.
ECM "New Series" 1823
Machaut: Motets
Hilliard Ensemble
Rec.: 2001
Harmonic Records H/CD
8825
Machaut: Ballades, Rondeaux, Virelais, Motets
Ensemble Gilles Binchois - Dominique Vellard, dir.
Rec.: 1988
Signum SIGCD 011
Guillaume de Machaut Motet and Music from the Ivrea Codex
The Clerks' Group - Edward Wickham, dir.
Rec.: 1998
Stil "Discothèque"
1203CCS87 [Cass.]
Guillaume de Machaut poète et musicien
Ensemble Gilles Binchois - Dominique Vellard, dir.
Rec.: 1987
Zig-Zag Territoires ZZT 021002 [CDx2]
Machaut - Les Motets
Ensemble Musica Nova
Rec.: 2002
Please see the Machaut index page for an introduction, discussion of methodology, and notes on this project.
Pierre-F. Roberge Todd M. McComb