Three-voice motet.
Sources: Machaut Manuscripts A B C E & G
Tous corps qui de bien amer
Vuet avoir la cure
Doit par raison encliner,
Et c'est sa droiture,
Là où son cuer esmouvoir
Se vuet, quant à bien avoir.
Pour ce li miens cure
Qui de Nature est formés,
Et obeissance assés
Vuet faire à Nature
Et à celle qui m'a point
De male pointure,
Puis que n'a de pité point
Dou mal que j'endure,
Qui me fait en desirant
Languir, quant vois remirant
La douce faiture
De son tres gracieus vis,
Par qui mes cuers est ravis
Et mis en ardure.
Et comment qu'Amours m'ait fait
Souffrir la morsure
De ses griés maus sans meffait
Et sans mespresure,
Ne lairay ja que secours
Ne quiere de mes dolours
A ma dame pure,
Car bien puis avoir merci
Selonc ce que j'ay servi;
A ce m'asseüre.
Et à ce qu'on dit, pour voir,
Miex vient en joie manoir
Par proier qu'adès languir
Par trop taire et puis morir.
De souspirant cuer dolent
Me pleing, et bien le doy faire,
Car, quant j'ay pris hardement
De ma grant doleur retraire,
Lors m'estuet il tout coy taire.
Si sui pris en regardant,
Et pour ce que je doubt tant
Refus, qui ne me doit plaire,
Et Dangier, mon adversaire,
Qui me livre estour si grant,
Que d'Amours m'estuet retraire,
Ou merci procheinnement
De ma dame debonnaire,
Ou morir en languissant.
Suspiro.
Arcana 305
Mercy ou mort
Machaut: Chansons & motets d'amour
Ensemble Ferrara - Crawford Young, dir.
Rec.: 1998
ECM "New Series" 1823
Machaut: Motets
Hilliard Ensemble
Rec.: 2001
Harmonia mundi HMU 90 7185
Hoquetus - Medieval European Music
Theatre of Voices - Paul Hillier, dir.
Rec: 1998
Harmonia Mundi "musique d'abord" 290 7356/57 (2 CDs)
Hoquetus / Age of the Cathedrals
Theatre of Voices - Paul Hillier
Rel.: 2003
Hyperion 68103
Machaut: A Burning Heart
Orlando Consort
Rec.: 2014
Zig-Zag Territoires ZZT 021002 [CDx2]
Machaut - Les Motets
Ensemble Musica Nova
Rec.: 2002
Please see the Machaut index page for an introduction, discussion of methodology, and notes on this project.
Pierre-F. Roberge Todd M. McComb