Machaut: De bonté, de valour (V10)

Monophonic virelai.

Sources: Machaut Manuscripts A B C E & G

Lyrics

De bonté, de valour,
De biauté, de douçour
Ma dame est parée;
De maniere, d'atour,
De scens, de grace est couronnée.

Dame desirée,
Richement aournée
De coulour,
Bien endoctrinée,
De tous à droit loée,
Par savour,
Juenette, sans folour,
Simplette, sans baudour,
De bonne heure née,
Parfaite en toute honnour,
Nulle n'est à vous comparée.
De bonté, de valour,
De biauté, de douçour
Ma dame est parée;
De maniere, d'atour,
De scens, de grace est couronnée.

Car loyal, secrée,
De bonne renommée,
Sans faus tour,
Franche et esmerée,
Nette, pure, affinée,
La millour
De toutes de la flour,
Sans mal, sans deshonnour,
Estes apellée.
Pour ce avés sans retour,
Mon cuer, m'amour et ma pensée.
De bonté, de valour,
De biauté, de douçour
Ma dame est parée;
De maniere, d'atour,
De scens, de grace est couronnée.

Et s'il vous agrée,
Gentil dame honnourée,
Que j'aour,
Qu'en moy soit doublée,
Sans estre ja finée,
Ma langour,
Si vueil je la dolour
Et l'amoureuse ardour,
Qu'en moy est entrée,
Endurer nuit et jour,
Ne ja n'en serés meins amée.
De bonté, de valour,
De biauté, de douçour
Ma dame est parée;
De maniere, d'atour,
De scens, de grace est couronnée.

Discography

1. Bayard Musique 308 668
   Voyage au cœur du Moyen Âge
   Machaut: Rondeaux, Ballades, Motets, Virelais...
   Ensemble Obsidienne - Emmanuel Bonnardot
   Rec.: 2020

2. Dorian "Discovery" DIS 80 123
   Chanterai - Music of Medieval France
   Sonus
   Rec.: 1993

3. Hyperion 68206
   Machaut: The Gentle Physician
   Orlando Consort
   Rec.: 2017

Please see the Machaut index page for an introduction, discussion of methodology, and notes on this project.

To Machaut index page

To Early Music FAQ